Guten Tag, Dialektfans,
das habe ich gefunden im Schwäbischen Handwörterbuch:
Dea hott ja no dr Scheißhafareng am Arsch.
Dees send koi Leit, dia wo nex kheit.
An Bart macht koin zom Doggda.
Älles versoffe vor mein End, geit a richtigs Deschdamend.
Es ziaht koi Krabb an Dischdlfenk.
Dea will uff zwoi Seita Wasser drage und nirgends verschütta.
D´Beck send Zwicker und d´Wirt send Knicker.
A feiger Arsch lässt koin lauta Furz.
Der will an Furz ans Brett nagla.
Mai Kua furzt gscheiter wia du schwätzscht.
D´Esel moinet, d´Gscheite wissat.
Schmiera ond salba hilft ällethalba.
Liaba nex ond glei ens Bett als ebbes ond ned gnuag.
Mr sieht au nora Hutzel a, was amol a scheene Bira gwea isch.
Du bischd a gschickte Wurschd, mr sott di Blonza nenna.
Dui isch so diir, dass se sich hentra Bohnaschdang omziah khennt.
Mai Ma isch a Glicksbilz, vor drei Dag hott sich versichra lasse
ond heit hott en a Laschder ieberfahra.
Dr Ma verbricht d´Schissla, s´Weib d´Häfala.
Mit Bucka ond Ducka kommt mr dur älle Lucke.
Dees isch an armer Deifel, der hott ned amol a Höll.
Vor dr Hochzeit hoißts Mulle, nacher Katz.
S´Veronika hott Erbsa gessa,
sie hott ned recht verbissa.
Sia romblat iber d´Schenkel na:
Bfui Deifel! des hoißt gschissa.
Der isch füreiliger als der Pfullinger Schulmeister, der hotts Fiedle vorm Scheiße gwischt.
Riaba noch Weihnachta und Äpfl noch Oschdra
und Mädle noch dreißig Johra,
dia nond da beschda Gschmack verlora.
Dapfr gloffa isch halb gschbronga.
Schaffa, dass oin gfriart ond essa, dass mr schwitzt, no läbt mr gsond.
Dr Habich isch besser dr Hättich.
Da pick! hott dr Ma zom Gockeler gsait, wo´r em da Kopf agschla hott.
Mr suacht koin hendr dr Heck, wemmr ned scho selbr drhendr khockt isch.
D´Fremde macht Leit, hott säll Mädle gsait ond isch midr Schubbkarre voll Kendr hoimkhomme.
Wenn amol dia Mädla durch d´Hoor bronzat, no hend se koi Ruah meh.
Wenn Wasser Wei wär, wia wölltet Weiber Wendla wäscha?
Übersetzt es in eure Dialekte oder schaut, ob es Ähnliches oder Gleiches bei euch gibt.
Gut Schwäbisch sind natürlich einige Grobianismen drin, daran darf man sich aber nicht stören.
Beste Grüße Fritz
