Diese köstliche Arbeitsplatzbeschreibung konnte ich nicht
für mich behalten:
Kombjuder-Eischald-Zeddel
Fer Auswerddische bei de EITITI
Kabiddel 1: Saft druff
Am Kasde unnerm Scherm de reschde Knobb neidrigge
bisser eirast.
Ufbasse: Es huubt.
Huubts net: Gibts net, noch net bassiert.
(Knobb muss !!! drinbleiwe)
Des Bernsche - wo links newer dem Knobb wo mer neidrigge
muss leit - iss die Bern wo brenne muss, damit mer waas,
dass des Ding Saft hot.
(Wenn die Bern net brennt, hot des Ding kaan Saft.)
Dann: Net lang maule, erst gugge ob die - die hinne aus
dem Ding wo der Knobb draa iss, den mer neidrigge muss -
in dere Dohs drinsteggt, die mit dem Iwwerlandwerg
zusammehengt. Iss die Schnur draa, dann aaner rufe,
der die Bern zum brenne bringt.
Kabiddel 2: Umschald-Knobb drigge:
Der Knobb - der wo uff dem annern Ding, wo all die
annern Knebb aach druff sinn - der wo zwaa Pfeilscher
owwe druff hot unn wo die grie Bern unnedrunner iss,
runnerdrigge. (Nur aamohl!)
Brennt die grien Ber, isses gut!
Brennt se net, aach.
Kabiddel 3: Aamelde:
Eigewwe von dene Knebb - die wo uff dem annern Ding
druff sinn, do wo aach der Knobb mit denen zwaa Pfeilscher
unn dere grie Bern druff iss - die Knebb drigge, die mer
drigge muss, wemmer sisch aamelde will.
Des haasd: Mer muss die Knebb drigge, wie mer haasd.
Driggt mer die falsche Knebb, haasd mer net so.
Des haasd: Mer muss unbedingt die rischdische Knebb drigge.
Kabiddel 4: Aagemeld:
Wemmer drinn sinn, SCHAFFE!!!
Kabiddel 5: Abschalde:
Uff de Scherm gugge, awwer konsegwent unn wadde bisses
gracht odder die Uhr schdehd.
Dann: Zusammepagge unn nix wie haam.